(ភ្នំពេញ)៖ លោក ឡាត់ សិលា និងភរិយា, លោក លឹម សច្ចៈ និងភរិយា ព្រមទាំងលោក តុប សុភ័ក្ដ្រា នៅថ្ងៃទី៦ ខែមករា ឆ្នាំ២០២៣ បានផ្ញើសារសូមអបអរសាទរ និងជូនពរលោក រ៉ាត់ ដារ៉ារ័ត្ន និងលោកស្រី ជា ឡាក់គី ដែលត្រូវព្រះមហាក្សត្រ ទ្រង់បានត្រាស់បង្គាប់ផ្តល់គោរមងារ <<ឧកញ៉ា>>។

សូមជម្រាបថា ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រកម្ពុជា កាលពីថ្ងៃទី០២ ខែមករា ឆ្នាំ២០២៣ ទ្រង់បានចេញព្រះរាជក្រឹត្យ ត្រាស់បង្គាប់ផ្តល់គោរមងារ <<ឧកញ៉ា>> ជូនលោក រ៉ាត់ ដារ៉ារ័ត្ន និងលោកស្រី ជា ឡាក់គី។

ព្រះរាជក្រឹត្យផ្តល់គោរមងារនេះ យោងតាមការក្រាបបង្គំទូលថ្វាយរបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា។

ការត្រាស់បង្គាប់ផ្តល់គោរពងារជា <<ឧកញ៉ា>> នេះ ដោយព្រះករុណាជាអម្ចាស់តម្កល់លើត្បូងយាងទតឃើញថា លោក រ៉ាត់ ដារ៉ារ័ត្ន និងលោកស្រី ជា ឡាក់គី បានចូលរួមធ្វើសកម្មភាពជាច្រើន ដើម្បីរួមចំណែកអភិវឌ្ឍន៍សង្គមជាតិ បម្រើនូវឧត្តមប្រយោជន៍សម្រាប់ជាតិ និងប្រជាជន ពិសេសការងារមនុស្សធម៌។

សូមបួងសួងដល់វត្ថុស័ក្ដិសិទ្ធិទាំងអស់ក្នុងលោក សូមជួយប្រោះព្រំប្រសិទ្ធពរជ័យជូនឧកញ៉ា រ៉ាត់ ដារ៉ារ័ត្ន និងលោកស្រីឧកញ៉ា ជា ឡាក់គី ព្រមទាំងបុត្រាបុត្រី បន្តទទួលបានជោគជ័យ សិរីសួស្តី ជ័យមង្គល វិបុលសុខគ្រប់ប្រការ ព្រមទាំងប្រកបដោយព្រះពុទ្ធពរទាំងឡាយបួនប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ៕